10. მაგრამ როგორ მოვძებნოთ...?
ახლა კი მოგვიწევს ცოტა ხნით დავუბრუნდეთ ფაილებსა და ფოლდერებს და გავარკვიოთ საკითხი Windows-ში ძებნის სისტემის შესახებ.
რა თქმა უნდა აქ დაგვჭირდება Explorer-ი, თუმცა ეს სისტემა ყველგან მუშაობს სადაც კი გაიხსნება Winodws-ის ფაილებისა და ფოლდერების ბრაუსერი (გზამკვლევი).
როგორ ვიპოვოთ სასურველი ფაილი ან ფოლდერი თუ კი არ ვიცით მისი მდებარეობა დისკზე?
ამ კითხვაზე პასუხი დამოკიდებული შემდგომ ორ მდგომარეობაზე:
1. სად ეძებთ სასურველ ფაილს ან ფოლდერს (რომელ დისკზე ან რომელ ფოლდერში)
2. რა მაქსიმალური ინფორმაცია გაქვთ ამ ფაილის შესახებ (სახელი, სახელის ნაწილი, გაფართოება, ზომა, შექმნის თარიღი. . .)
მაგალითად, გვინდა რომ ვიპოვოთ ფაილი explorer.exe, რომელიც არ ვიცით თუ კონკრეტულად სად იმყოფება მაგრამ ვიცით რომ იგი არის C დისკზე და რა თქმა უნდა
ვიცით მისი სრული სახელი.
გახსენით Explorer-ი. მოძებნეთ მის ფოლდერთა ხეზე C დისკი, დაამარჯვენწკაპეთ და Pop-up მენიუში ამოირჩიეთ პუნქტი Search (ან Find).
დაამარჯვენწკაპეთ სასურველ დისკზე ან ფოლდერზე და ...
გამოჩნდება ძებნის ფანჯარა:
დაწერეთ სასურველი ფაილის სახელი EditBox-ში
იქ არის EditBox-ი სახელად Search for files and folders named: და თქვენ უნდა ჩაწეროთ საძებნი ფაილის სახელი სწორედ აქ: explorer.exe.
შემდეგ დააწკაპეთ ღილაკზე: Search Now.
ძებნის პროგრამის მარჯვენა ფანჯარაში გამოჩნდება ძებნის შედეგები.
ძებნის შედეგი: ფაილები(ან/და ფოლდერები) და მისამართები
პირველ სვეტში გამოჩნდება ნაპოვნი ფაილის სახელები, მაგრამ ისინი შეიძლება იყოს ერთზე მეტი, რა თქმა უნდა აქ თქვენით უნდა შეარჩიოთ სასურველი ფაილი. მეორე სვეტში კი გამოჩნდება შესაბამისი მისამართები დისკზე. ასე რომ რახან დისკზე ფაილის მისამართი უკვე ვიცით მისი მოძებნა Explorer-ში აღარ გაგვიჭირდება.
ეს არის საძებნი პროგრამის ძირითადი დანიშნულება, მაგრამ მას აქვს კიდევ უფრო მეტი შესაძლებლობები. ამაზე ცოტა გვიან.
Windows 98-ში და ადრეულ ვერსიებში გამოიყენება სიტყვა Find და არა Search, მაგრამ რა თქმა უნდა დანიშნულება იგივეა.
ახლა შეეცადეთ ამ პროგრამის საშუალებით მოძებნოთ წინა სტატიებში შექმნილი ფაილები.
ავტორი: გიორგი ბაწაშვილი
2005 | 
კომპინფო
